[200]
haec quam sint gravia, et quid his rebus detractis
possit ad dominos puri ac reliqui pervenire, credo vos ex
vestris impensis1, ex vestris rebus rusticis coniectura adsequi
posse. addite nunc eodem istius edicta, instituta, iniurias;
addite Aproni Veneriorumque servorum in agro decumano
regna ac rapinas. quamquam haec omitto: de cella loquor.
placet2 vobis in cellam magistratibus vestris3 frumentum
Siculos gratis4 dare? quid hoc indignius, quid iniquius?
atque5 hoc scitote aratoribus Verre6 praetore optandum
ac petendum fuisse.
Sositheus est Entellinus, homo cum primis7 prudens et
domi nobilis, cuius verba audietis8, qui ad9 hoc iudicium
legatus publice cum Artemone et Menisco, primariis viris,
missus est. is cum in senatu Entellino multa mecum de
istius iniuriis ageret, hoc dixit: si hoc de cella atque hac
aestimatione concederetur, velle Siculos senatui polliceri
frumentum in cellam gratis, ne posthac10 tantas pecunias
magistratibus nostris decerneremus.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 ex vestris in pensis V: om. rell.
2 placet VO: placetne p: placet nunc qr rell.
3 vestris cO: nostris V rell.
4 gratiis Zielinski (p. 196): dare gratis V Pro verbis quid iniquius habet V iterum quid hoc indignius
5 Atqui Victorius
6 Verre VcO: hoc p rell. (v, §125)
7 cum primis VcO: cum primis civitatis p rell.
8 audietis cO: audistis p rell.
9 qui ad atque O
10 posthac VO: post haec p rell.
M. Tullius Cicero. M. Tvlli Ciceronis Orationes: Divinatio in Q. Caecilivm. In C. Verrem Recognovit brevique adnotatione critica instruxit Gvlielmvs Peterson Rector Vniversitatis MacGillianae. William Peterson. Oxford. e Typographeo Clarendoniano. 1917. Scriptorum Classicorum Bibliotheca Oxoniensis.
The National Endowment for the Humanities provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.