[106]
videte porro aliam amentiam; videte ut, dum expedire
sese vult, induat. cognitorem adscribit Sthenio—quem?
cognatum aliquem aut propinquum? non. Thermitanum
aliquem, honestum hominem ac nobilem? ne id quidem.
at Siculum, in quo aliquis splendor dignitasque esset?
neminem. quid1 igitur? civem Romanum. cui hoc probari
potest? cum esset Sthenius civitatis suae nobilissimus,
amplissima cognatione, plurimis amicitiis, cum praeterea
tota Sicilia multum auctoritate et gratia posset, invenire
neminem Siculum potuit qui pro se2 cognitor fieret? hoc
probabis? an ipse civem Romanum maluit? cedo cui
Siculo, cum is reus fieret, civis Romanus cognitor factus
umquam sit. omnium praetorum litteras qui ante te3
fuerunt profer, explica; si unum inveneris, ego hoc tibi,
quem ad modum in tabulis scriptum habes, ita gestum esse
concedam.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.