[137]
venit ad Chelidonem C. Mustius, eques Romanus, publicanus,
homo cum primis honestus; venit M. Iunius,
patruus pueri, frugalissimus homo et castissimus; venit1
homo summo pudore2, summo officio, spectatissimus ordinis
sui, P. Titius tutor. O multis acerbam, o miseram atque
indignam praeturam tuam! Vt omittam3 cetera, quo tandem
pudore talis viros, quo dolore4 meretricis domum venisse
arbitramini? qui numquam ulla5 condicione istam turpitudinem
subissent nisi offici necessitudinisque ratio coegisset.
veniunt, ut dico, ad Chelidonem. domus erat plena;
nova iura, nova decreta, nova iudicia petebantur. 'mihi
det possessionem, mihi ne adimat6, in me iudicium ne det,
mihi bona addicat.' Alii nummos numerabant, ab aliis
tabellae obsignabantur7; domus erat non meretricio conventu
sed praetoria turba referta.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.