[42]
venerat, ut opinor,
haec res in iudicium. certe. quis erat petitor? Fannius.
quis reus? Flavius. quis iudex? Cluvius. ex his unus
mihi testis est producendus qui pecuniam datam dicat.
quis est ex his gravissimus? Sine controversia qui omnium
iudicio comprobatus est iudex. quem igitur ex his
tribus a me testem exspectabis? petitorem? Fannius est;
contra se numquam testimonium dicet. reum? Flavius
est. is iam pridem est mortuus; si viveret, verba eius
audiretis. iudicem? Cluvius est. quid is dicit? HS
ccciↃↃↃ Panurgi nomine Flavium Fannio dissolvisse.
quem tu si ex censu spectas, eques Romanus est, si ex
vita, homo clarissimus est, si ex fide, iudicem sumpsisti,
si ex veritate, id quod scire potuit et debuit dixit.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.