[154]
homines sapientes et ista auctoritate et potestate praeditos
qua vos estis ex quibus rebus maxime res publica laborat, eis maxime
mederi convenit. vestrum nemo est quin intellegat populum
Romanum qui quondam in hostis lenissimus existimabatur hoc
tempore domestica crudelitate laborare. hanc tollite ex civitate,
iudices, hanc pati nolite diutius in hac re publica versari; quae non
modo id habet in se mali quod tot civis atrocissime sustulit verum
etiam hominibus lenissimis ademit misericordiam consuetudine
incommodorum. nam cum omnibus horis aliquid atrociter fieri
videmus aut audimus, etiam qui natura mitissimi sumus adsiduitate
molestiarum sensum omnem humanitatis ex animis amittimus.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.