This text is part of:
Search the Perseus Catalog for:
Click on a word to bring up parses, dictionary entries, and frequency statistics
Pver
Ne me moneatis, memini ego officium meum,
ego † nam conveniam illum, ubi ubi est gentium;
investigabo, óperae non parcam meae.
Pyrg.
Me quaerit illic. ibo huic puero obviam.
Pver.
5Ehem, te quaero. salve, vir lepidissime,
cumulate commoditate, praeter ceteros
duo dí quem curant.
Pyrg.
Qui duo?
Pver.
Mars et Venus.
Pyrg.
Facetum puerum.
Pver.
Intro te ut eas obsecrat,
te volt, te quaerit, teque exspectans expetit.
10amanti fer opem. quid stas? quin intro is?
Pyrg.
Eo. —
Pver.
Ipsus illic sese iam impedivit in plagas;
paratae insidiae sunt: in statu stat senex,
ut adoriatur moechum, qui formast ferox,
qui omnis se amare credit, quaeque aspexerit
15mulier: eum oderunt qua viri qua mulieres.
nunc in tumultum ibo: intus clamorem audio. —
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.