Click on a word to bring up parses, dictionary entries, and frequency statistics
[52]
τοῦ ἁγίου Πνεύματος, ὁ μονογενὴς Υἱὸς καὶ
1 Λόγος τοῦ Θεοῦ, ὁ ὢν εἰς τὸν κόλπον τοῦ Πατρός,
ὁ ὁμοούσιος τῷ Πατρὶ καὶ τῷ ἁγίῳ Πνεύματι, ὁ
2 προαιώνιος, ὁ ἄναρχος, ὁ ἐν ἀρχῇ ὤν, καὶ πρὸς
τὸν Θεὸν καὶ Πατέρα ὤν, καὶ Θεὸς ὤν, συγκαταβαίνει
τοῖς ἑαυτοῦ δούλοις συγκατάβασιν ἄφραστον
καὶ ἀκατάληπτον, καί, Θεὸς ὢν τέλειος,
3 ἄνθρωπος τέλειος γίνεται ἐκ Πνεύματος ἁγίου καὶ
Μαρίας τῆς ἁγίας Παρθένου καὶ Θεοτόκου, οὐκ
ἐκ σπέρματος ἀνδρός, ἢ θελήματος, ἢ συναφείας,
ἐν τῇ ἀχράντῳ μήτρᾳ τῆς Παρθένου συλληφθείς,
ἀλλ̓ ἐκ Πνεύματος ἁγίου, καθὼς καὶ πρὸ τῆς
4 συλλήψεως εἷς τῶν ἀρχαγγέλων ἀπεστάλη
μηνύων τῇ Παρθένῳ τὴν ξένην σύλληψιν ἐκείνην
5 καὶ τὸν ἄφραστον τόκον. ἀσπόρως γὰρ συνελήφθη
6 ὁ Υἱὸς τοῦ Θεοῦ ἐκ Πνεύματος ἁγίου, καὶ
συμπήξας ἑαυτῷ ἐν τῇ μήτρᾳ τῆς Παρθένου
σάρκα ἐμψυχουμένην ψυχῇ λογικῇ τε καὶ νοερᾷ,
[p. 92]
προῆλθεν ἐν μιᾷ τῇ ὑποστάσει, δύο δὲ ταῖς
φύσεσι, τέλειος Θεός, καὶ τέλειος ἄνθρωπος, ἄφθορον
7 τὴν παρθενίαν τῆς τεκούσης καὶ μετὰ τὸν
8 τόκον φυλάξας, καὶ ἐν πᾶσιν ὁμοιοπαθὴς ἡμῖν
9 γενόμενος χωρὶς ἁμαρτίας, τὰς ἀσθενείας ἡμῶν
ἀνέλαβε καὶ τὰς νόσους ἐβάστασεν. ἐπεὶ γὰρ
δἰ ἁμαρτίας εἰσῆλθεν ὁ θάνατος εἰς τὸν κόσμον,
ἔδει τὸν λυτροῦσθαι μέλλοντα ἀναμάρτητον εἶναι
John, of Damascus (attributed author). G.R. Woodward. H. Mattingly. St. John Damascene Barlaam and Joseph. William Heinemann Ltd; Harvard University Press. London; Cambridge, Mass. 1914. Keyboarding.
Google Digital Humanities Awards Program provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.