Hide browse bar
Your current position in the text is marked in blue. Click anywhere in the
line to jump to another position:
Search the Perseus Catalog for:
Table of Contents:
Click on a word to bring up parses, dictionary entries, and frequency statistics
59.
οἷσι δ᾽ ἂν ἐς τοὔμπροσθεν ἡ κεφαλὴ τοῦ μηροῦ ἐκπέσῃ,
ὀλίγοισι δὲ τοῦτο γίνεται,
οὗτοι ἐκτανύειν μὲν τὸ σκέλος δύνανται τελείως,
ξυγκάμπτειν δὲ ἥκιστα οὗτοι δύνανται τὰ κατὰ
τὸν βουβῶνα:
πονέουσι δὲ,
καὶ ἢν κατὰ τὴν ἰγνύην ἀναγκάζωνται
ξυγκάμπτειν.
μῆκος δὲ τοῦ σκέλεος παραπλήσιον φαίνεται,
κατὰ
μὲν τὴν πτέρνην καὶ πάνυ:
ἄκρος δὲ ὁ ποὺς ἧσσόν τι προκύπτειν
ἐθέλει ἐς τοὔμπροσθεν:
ὅλον δὲ τὸ σκέλος ἔχει τὴν ἰθυωρίην τὴν
κατὰ φύσιν,
καὶ οὔτε τῇ,
οὔτε τῇ Ρ῾έπει.
ὀδυνῶνται δὲ αὐτίκα
οὗτοι μάλιστα,
καὶ οὖρον ἴσχεται τὸ πρῶτον τούτοισι μᾶλλόν τι,
ἢ τοῖσιν ἄλλοισιν ἐξαρθρήμασιν:
ἐγκέεται γὰρ ἡ κεφαλὴ τοῦ μηροῦ
ἐγγυτάτω τούτοισι τῶν τόνων τῶν ἐπικαίρων.
καὶ κατὰ μὲν τὸν βουβῶνα ἐξογκέον τε καὶ κατατεταμένον τὸ χωρίον φαίνεται,
κατὰ δὲ τὸ
πυγαῖον,
στολιδωδέστερον καὶ ἀσαρκότερον.
ταῦτα μὲν οὖν
σημήϊά ἐστι τὰ εἰρημένα,
ὧν ἂν οὕτως ἐκπεπτώκῃ ὁ μηρός.