Hide browse bar
Your current position in the text is marked in blue. Click anywhere in the
line to jump to another position:
Search the Perseus Catalog for:
Table of Contents:
Click on a word to bring up parses, dictionary entries, and frequency statistics
44.
εἰ μέντοι κάρτα ἄνω εἴη τὸ ὕβωμα,
δέοι δὲ κατασείειν
πάντως,
ἐπὶ πόδας κατασείειν λυσιτελέει,
ὥσπερ ἤδη εἴρηται:
πλείων γὰρ οὕτω γίνεται ἡ καταῤΡ῾οπίη ἐπὶ ταῦτα.
Ἑρμάσαι
δὲ χρὴ,
κατὰ μὲν τὸ στῆθος πρὸς τὴν κλίμακα προσδήσαντα
ἰσχυρῶς,
κατὰ δὲ τὸν αὐχένα ὡς χαλαρωτάτῃ ταινίῃ,
ὅσον τοῦ
κατορθοῦσθαι εἵνεκα:
καὶ αὐτὴν τὴν κεφαλὴν κατὰ τὸ μέτωπον
προσδῆσαι πρὸς τὴν κλίμακα:
τὰς δὲ χεῖρας παρατανύσαντα πρὸς
τὸ σῶμα προσδῆσαι,
καὶ μὴ πρὸς τὴν κλίμακα:
τὸ μέντοι ἄλλο
σῶμα ἄδετον εἶναι χρὴ,
πλὴν,
ὅσον τοῦ κατορθοῦσθαι εἵνεκα,
ἄλλῃ καὶ ἄλλῃ ταινίῃ χαλαρῇ περιβεβλῆσθαι:
ὅκως δὲ μὴ κωλύωσιν οὗτοι οἱ δεσμοὶ τὴν κατασεισιν,
σκοπέειν:
τὰ δὲ σκέλεα
πρὸς μὲν τὴν κλίμακα μὴ προσδεδέσθω,
πρὸς ἄλληλα δὲ,
ὡς κατὰ
τὴν Ρ῾άχιν ἰθύῤΡ῾οπα ἔῃ.
ταῦτα μέντοι τοιουτοτρόπως ποιητέα,
εἰ
πάντως δέοι ἐν κλίμακι κατασεισθῆναι:
αἰσχρὸν μέντοι καὶ ἐν πάσῃ
τέχνῃ καὶ οὐχ ἥκιστα ἐν ἰητρικῇ πουλὺν ὄχλον,
καὶ πολλὴν
ὄψιν,
καὶ πουλὺν λόγον παρασχόντα,
ἔπειτα μηδὲν ὠφελῆσαι.