previous

Click on a word to bring up parses, dictionary entries, and frequency statistics



Χορός

1320κἀπευξαμένους τοῖσι θεοῖσιν
διδόναι πλοῦτον τοῖς Ἕλλησιν,
κριθάς τε ποιεῖν ἡμᾶς πολλὰς
πάντας ὁμοίως οἶνόν τε πολύν,
σῦκά τε τρώγειν,
1325τάς τε γυναῖκας τίκτειν ἡμῖν,
καὶ τἀγαθὰ πάνθ᾽ ὅσ᾽ ἀπωλέσαμεν
συλλέξασθαι πάλιν ἐξ ἀρχῆς,
λῆξαί τ᾽ αἴθωνα σίδηρον.


Τρυγαῖος

δεῦρ᾽ γύναι εἰς ἀγρόν,
1330χὤπως μετ᾽ ἐμοῦ καλὴ
καλῶς κατακείσει.
Ὑμὴν Ὑμέναι᾽ .

Ἡμιχόριον Β

τρὶς μάκαρ ὡς δικαίως
τἀγαθὰ νῦν ἔχεις.

Ἡμιχόριον Α

1335Ὑμὴν Ὑμέναι᾽ .

Ἡμιχόριον Β

Ὑμὴν Ὑμέναι᾽ .

Ἡμιχόριον Α

τί δράσομεν αὐτήν;

Ἡμιχόριον Β

τί δράσομεν αὐτήν;

Ἡμιχόριον Α

τρυγήσομεν αὐτήν,

Ἡμιχόριον Β

τρυγήσομεν αὐτήν.

Ἡμιχόριον Α

ἀλλ᾽ ἀράμενοι φέρωμεν
1340οἱ προτεταγμένοι
τὸν νυμφίον ὦνδρες.

Ἡμιχόριον Β

Ὑμὴν Ὑμέναι᾽ ,

Ἡμιχόριον Β

Ὑμὴν Ὑμέναι᾽ ,

Τρυγαῖος

οἰκήσετε γοῦν καλῶς
1345οὐ πράγματ᾽ ἔχοντες, ἀλλὰ
συκολογοῦντες.

Ἡμιχόριον Β

Ὑμὴν Ὑμέναι᾽ ,

Ἡμιχόριον Α

Ὑμὴν Ὑμέναι᾽ .

Ἡμιχόριον Β

τοῦ μὲν μέγα καὶ παχύ.

Ἡμιχόριον Α

1350τῆς δ᾽ ἡδὺ τὸ σῦκον.

Τρυγαῖος

φήσεις γ᾽ ὅταν ἐσθίῃς
οἶνόν τε πίῃς πολύν.

Χορός

Ὑμὴν Ὑμέναι᾽ ,
Ὑμὴν Ὑμέναι᾽ .

Τρυγαῖος

1355 χαίρετε χαίρετ᾽ ἄνδρες,
κἂν ξυνέπησθέ μοι
πλακοῦντας ἔδεσθε.

Creative Commons License
This work is licensed under a Creative Commons Attribution-ShareAlike 3.0 United States License.

An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.

load focus English (Eugene O'Neill, Jr., 1938)
hide References (2 total)
load Vocabulary Tool
hide Display Preferences
Greek Display:
Arabic Display:
View by Default:
Browse Bar: