τούτῳ δ᾽ ὁπόταν ναέται χώραςοὐκ ἀγνοῶ δ᾽ ὅτι τὰ αὐτὰ ταῦτα εἴρηκεν ὁ Ἔφιππος κἀν Πελταστῇ τῷ δράματι ῾II 261 K',' ἐν ᾧ καὶ ταῦτα ἐκείνοις ὑποτέτακται:
ἰχθύν τιν᾽ ἕλωσ᾽ οὐχ ἡμέριον,
τῆς περικλύστου δ᾽ ἁλίας Κρήτης
μείζω μεγέθει, λοπάς ἐστ᾽ αὐτῷ
δυνατὴ τούτους χωρεῖν ἑκατόν.
καὶ περιοίκους εἶναι ταύτῃ
Σινδούς, Λυκίους, Μυγδονιώτας,
Κραναούς, Παφίους. τούτους δ᾽ ὕλην
κόπτειν, ὁπόταν βασιλεὺς ἕψῃ
τὸν μέγαν ἰχθύν: καὶ προσάγοντας,
καθ᾽ ὅσον πόλεως ἕστηκεν ὅρος,
τοὺς δ᾽ ὑποκαίειν. λίμνην δ᾽ ἐπάγειν
ὕδατος μεστὴν εἰς τὴν ἅλμην,
τοὺς δ᾽ ἅλας αὐτῷ ζεύγη προσάγειν
μηνῶν ὀκτὼ συνεχῶς ἑκατόν.
περιπλεῖν δ᾽ ἐπὶ τοῖς ἄμβωσιν ἄνω
πέντε κέλητας πεντασκάλμους,
περιαγγέλλειν τ᾽: ‘οὐχ ὑποκαίεις,
Λυκίων πρύτανι; ψυχρὸν τουτί:
παύου φυσῶν, Μακεδὼν ἄρχων:
σβέννυ, Κέλθ᾽, ὡς μὴ προσκαύσῃς.'
τοιαῦθ᾽ ὑθλῶν δειπνεῖ καὶ ζῇεἰς τίνα δὲ ταῦτ᾽ ἀποτεινόμενος ὁ Ἔφιππος εἴρηκεν ὥρα σοι ζητεῖν, καλὲ Οὐλπιανέ, καὶ διδάσκειν ἡμᾶς, καὶ τῶν εἰρημένων τούτων
θαυμαζόμενος μετὰ μειρακίων,
οὐ γινώσκων ψήφων ἀριθμούς,
σεμνὸς σεμνῶς χλανίδ᾽ ἕλκων.
εἴ τί σοι ψελλόν τε καὶ δυσεύρετον,κατὰ τὸν Αἰσχύλου Προμηθέα ῾814'.'
ἐπαναδίπλαζε καὶ σαφῶς ἐκμάνθανε:
σχολὴ δὲ πλείων ἢ θέλω πάρεστί μοι,
