συκῆν μέλαιναν ἀμπέλου κασιγνήτην.Σωσίβιος δ᾽ ὁ Λάκων ῾FHG II 628' 'ἀποδεικνὺς εὕρημα Διονύσου τὴν συκῆν διὰ τοῦτό φησι καὶ Λακεδαιμονίους Συκίτην Διόνυσον τιμᾶν. Νάξιοι δέ, ὡς Ἀνδρίσκος, ἔτι δ᾽ Ἀγλαοσθένης ἱστοροῦσι ῾FHG IV 304',' Μειλίχιον καλεῖσθαι τὸν Διόνυσον διὰ τὴν τοῦ συκίνου καρποῦ παράδοσιν. διὸ καὶ τὸ πρόσωπον τοῦ θεοῦ παρὰ τοῖς Ναξίοις τὸ μὲν τοῦ Βακχέως Διονύσου καλουμένου εἶναι ἀμπέλινον, τὸ δὲ τοῦ Μειλιχίου σύκινον. τὰ γὰρ σῦκα μείλιχα καλεῖσθαι.
Click on a word to bring up parses, dictionary entries, and frequency statistics
περὶ δὲ τῆς προσηγορίας τῶν σύκων λέγων
Τρύφων ἐν δευτέρῳ φυτῶν ἱστορίας ῾fr. 119 V' 'Ἀνδροτίωνά φησιν ἐν Γεωργικῷ ἱστορεῖν Συκέα ἕνα
τινὰ τῶν Τιτάνων διωκόμενον ὑπὸ Διὸς τὴν μητέρα
Γῆν ὑποδέξασθαι καὶ ἀνεῖναι τὸ φυτὸν εἰς διατριβὴν
τῷ παιδί, ἀφ᾽ οὗ καὶ Συκέαν πόλιν εἶναι ἐν Κιλικίᾳ.
Φερένικος δ᾽ ὁ ἐποποιός, Ἡρακλεώτης δὲ γένος, ἀπὸ
Συκῆς τῆς Ὀξύλου θυγατρὸς προσαγορευθῆναι: Ὄξυλον γὰρ τὸν Ὀρείου Ἁμαδρυάδι τῇ ἀδελφῇ μιγέντα
μετ᾽ ἄλλων γεννῆσαι Καρύαν, Βάλανον, Κράνειαν,
Μορέαν, Αἴγειρον, Πτελέαν, Ἄμπελον, Συκῆν: καὶ
ταύτας Ἁμαδρυάδας νύμφας καλεῖσθαι καὶ ἀπ᾽ αὐτῶν
πολλὰ τῶν δένδρων προσαγορεύεσθαι. ὅθεν καὶ τὸν
Ἱππώνακτα φάναι ῾fr. 34':'
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.