ἐπὶ τοῖς δ᾽ ἐγὼἌλεξις δ᾽ ἐν Πονήρᾳ ῾ib. 367':'
μάγειρος. οὔτε Σικελία καυχήσεται
τρέφειν τοιοῦτον ἄρταμον κατ᾽ ἰχθύων,
οὐκ Ἦλις, ἔνθα δελφάκων ἐγὼ κρέα
κάλλιστ᾽ ὄπωπα πυρὸς ἀκμαῖς ἠνθισμένα.
τριωβόλου κρείσκον ἀστεῖον πάνυ‘Ἀθηναῖοι δ᾽, ὥς φησι Φιλόχορος ῾FHG I 413',' ταῖς Ὥραις θύοντες οὐκ ὀπτῶσιν, ἀλλ᾽ ἕψουσι τὰ κρέα, παραιτούμενοι τὰς θεὰς ἀπείργειν τὰ περισκελῆ καύματα καὶ τοὺς αὐχμούς, μετὰ δὲ τῆς συμμέτρου θερμασίας καὶ ὑδάτων ὡραίων ἐκτελεῖν τὰ φυόμενα. τὴν μὲν γὰρ ὄπτησιν ἐλάττους παρέχεσθαι ὠφελείας, τὴν δὲ ἕψησιν οὐ μόνον τὴν ὠμότητα περιαιρεῖν, ἀλλὰ καὶ τὰ σκληρὰ μαλάττειν δύνασθαι καὶ τὰ λοιπὰ πεπαίνειν. ἔτι δ᾽ εὐμενέστερον καὶ ἀκινδυνότερον πεπαίνει τὴν τροφήν. διόπερ ἑφθὸν ἐποπτᾶν οὔ φασι δεῖν οὐδ᾽ ἐφέψειν. τὸ μὲν γὰρ ἀνάλυσιν ἔχειν δοκεῖ τοῦ βελτίονος, ὥς φησιν Ἀριστοτέλης ῾meteor. 380b 21 ?':' τὰ δὲ ὀπτὰ τῶν ἑφθῶν ὠμότερα καὶ ξηρότερα.' τὰ δὲ ὀπτὰ κρέα καλεῖται φλογίδες. Στράττις γοῦν ἐν Καλλιππίδῃ ἐπὶ τοῦ Ἡρακλέους φησίν ῾I 715 K':'
ὕειον ὀπτὸν καὶ θερμόν, εὔχυλον,
τέρεν, ὅταν ᾖ προσφέρων.
αὐτίκα δ᾽ ἥρπασε τεμάχηκαὶ Ἄρχιππος ἐν Ἡρακλεῖ Γαμοῦντι ῾ib. 680':'
θερμάς τε κάπρου φλογίδας ἔβρυχέ τε πάνθ᾽ ἅμα.
ταδὶ δ᾽ ἅμα χοίρων ἀκροκώλια μικρῶν
ταύρου τ᾽ αὐξίκερω φλογίδες
αἱ δολιχαί τε κάπρου φλογίδες.
