εἴτ᾽ οὖν σοφιστὴς καλὰ παραπαίων χέλυν.ὅτι δὲ πρὸς τὴν μουσικὴν οἰκειότατα διέκειντο οἱ ἀρχαῖοι δῆλον καὶ ἐξ Ὁμήρου: ὃς διὰ τὸ μεμελοποιηκέναι πᾶσαν ἑαυτοῦ τὴν ποίησιν ἀφροντιστὶ [τοὺς] πολλοὺς ἀκεφάλους ποιεῖ στίχους καὶ λαγαρούς, ἔτι δὲ μειούρους. Ξενοφάνης δὲ καὶ Σόλων καὶ Θέογνις καὶ Φωκυλίδης, ἔτι δὲ Περίανδρος ὁ Κορίνθιος ἐλεγειοποιὸς καὶ τῶν λοιπῶν οἱ μὴ προσάγοντες πρὸς τὰ ποιήματα μελῳδίαν ἐκπονοῦσι τοὺς στίχους τοῖς ἀριθμοῖς καὶ τῇ τάξει τῶν μέτρων ... καὶ σκοποῦσιν ὅπως αὐτῶν μηθεὶς <μήτε> ἀκέφαλος ἔσται μήτε λαγαρὸς μήτε μείουρος. ἀκέφαλοι δέ εἰσιν οἱ ἐπὶ τῆς ἀρχῆς τὴν χωλότητα ἔχοντες:
ἐπειδὴ νῆάς τε καὶ Ἑλλήσποντον ἵκοντο ῾Il. 21.2'.'λαγαροὶ δὲ οἱ ἐν μέσῳ, οἷον:
ἐπίτονος τετάνυστο βοὸς ἶφι κταμένοιο ῾Od. 12.423. Il. 3.375'.'
αἶψα δ᾽ ἄρ᾽ Αἰνείαν φίλον υἱὸν Ἀγχίσαο.μείουροι δ᾽ εἰσὶν οἱ ἐπὶ τῆς ἐκβολῆς, οἷον:
τῶν αὖθ᾽ ἡγείσθην Ἀσκληπιοῦ δύο παῖδε ῾Il. 2.731'.'
Τρῶες δ᾽ ἐρρίγησαν, ὅπως ἴδον αἴολον ὄφιν ῾Il. 12.208'.'
καλὴ Κασσιέπεια θεοῖς δέμας ἐοικυῖα ῾Il. 8.305?'.'
τοῦ φέρον ἐμπλήσας ἀσκὸν μέγαν, ἐν δὲ καὶ ἤια ῾Od. 9.212'.'