Click on a word to bring up parses, dictionary entries, and frequency statistics
ταῦτά σοι παραινεῖν ἔχω,
ἑταῖρε Μυρτίλε.
καὶ
κατὰ τὴν Φιλεταίρου Κυνηγίδα ῾ib. 232'
'
παῦσαι γέρων ὢν τοὺς τρόπους. οὐκ οἶσθ᾽ ὅτι
οὔκ ἐστιν ἥδιστον ἀποθανεῖν βινοῦνθ᾽ ἅμα,
ὥσπερ λέγουσιν ἀποθανεῖν Φορμίσιον.
ἢ ἥδιστόν ἐστί σοι,
ὡς ἐν Μαραθωνίοις φησὶ Τιμοκλῆς ῾ib. 461','
ὅσον τὸ μεταξὺ μετὰ κορίσκης ἢ μετὰ
χαμαιτύπης τὴν νύκτα κοιμᾶσθαι. βαβαί,
ἡ στιφρότης, τὸ χρῶμα, πνεῦμα, δαίμονες.
τὸ μὴ σφόδρ᾽ εἶναι πάνθ᾽ ἕτοιμα, δεῖν δέ τι
ἀγωνιᾶσαι καὶ ῥαπισθῆναί τε καὶ
πληγὰς λαβεῖν ἁπαλαῖσι χερσίν: ἡδύ γε
νὴ τὸν Δία τὸν μέγιστον.'
ἔτι πολλὰ τοῦ Κυνούλκου θέλοντος λέγειν καὶ
τοὐλπιανοῦ ἐπιραπίσαι βουληθέντος αὐτὸν εἰς τιμὴν τοῦ
Μυρτίλου,
φθάσας ὁ Μυρτίλος ῾διήχθρευεν γὰρ τῷ
Σύρᾠ ἔφη:
‘οὐχ ὧδ᾽ ἐμόγησαν
ἐλπίδες ὥστ᾽ ἐχθρῶν συμμαχίαν καλέσαι,
φησὶν ὁ Καλλίμαχος ῾fr. 134 Sch'.'
οὐ γὰρ αὐτάρκεις
ἡμεῖς ἀμύνασθαι,
ὦ Κύνουλκε;
ὡς σκαιὸς εἶ κἄγροικος αἰσχροεπῶν: ἔα,
ἐπαρίστερ᾽ ἐν τῷ στόματι τὴν γλῶσσαν φορεῖς,
κατὰ τὴν Ἐφίππου Φιλύραν ῾II 263 K'.'
δοκεῖς γάρ μοι
ἐκείνων εἷς εἶναι
οὓς ἐδίδαξαν ἀριστερὰ γράμματα Μοῦσαι,
ὥς τις ἔφη τῶν παρῳδῶν ῾inc. fr. 4 Br'.'