previous next

Click on a word to bring up parses, dictionary entries, and frequency statistics

81. οἱ μὲν οὖν Πελοποννήσιοι τῆς νυκτὸς εὐθὺς κατὰ τάχος ἐκομίζοντο ἐπ᾽ οἴκου παρὰ τὴν γῆν: καὶ ὑπερενεγκόντες τὸν Λευκαδίων ἰσθμὸν τὰς ναῦς, ὅπως μὴ περιπλέοντες ὀφθῶσιν, ἀποκομίζονται. [2] Κερκυραῖοι δὲ αἰσθόμενοι τάς τε Ἀττικὰς ναῦς προσπλεούσας τάς τε τῶν πολεμίων οἰχομένας, λαβόντες τούς τε Μεσσηνίους ἐς τὴν πόλιν ἤγαγον πρότερον ἔξω ὄντας, καὶ τὰς ναῦς περιπλεῦσαι κελεύσαντες ἃς ἐπλήρωσαν ἐς τὸν Ὑλλαϊκὸν λιμένα, ἐν ὅσῳ περιεκομίζοντο, τῶν ἐχθρῶν εἴ τινα λάβοιεν, ἀπέκτεινον: καὶ ἐκ τῶν νεῶν ὅσους ἔπεισαν ἐσβῆναι ἐκβιβάζοντες ἀπεχρῶντο, ἐς τὸ Ἥραιόν τε ἐλθόντες τῶν ἱκετῶν ὡς πεντήκοντα ἄνδρας δίκην ὑποσχεῖν ἔπεισαν καὶ κατέγνωσαν πάντων θάνατον. [3] οἱ δὲ πολλοὶ τῶν ἱκετῶν, ὅσοι οὐκ ἐπείσθησαν, ὡς ἑώρων τὰ γιγνόμενα, διέφθειρον αὐτοῦ ἐν τῷ ἱερῷ ἀλλήλους, καὶ ἐκ τῶν δένδρων τινὲς ἀπήγχοντο, οἱ δ᾽ ὡς ἕκαστοι ἐδύναντο ἀνηλοῦντο. [4] ἡμέρας τε ἑπτά, ἃς ἀφικόμενος ὁ Εὐρυμέδων ταῖς ἑξήκοντα ναυσὶ παρέμεινε, Κερκυραῖοι σφῶν αὐτῶν τοὺς ἐχθροὺς δοκοῦντας εἶναι ἐφόνευον, τὴν μὲν αἰτίαν ἐπιφέροντες τοῖς τὸν δῆμον καταλύουσιν, ἀπέθανον δέ τινες καὶ ἰδίας ἔχθρας ἕνεκα, καὶ ἄλλοι χρημάτων σφίσιν ὀφειλομένων ὑπὸ τῶν λαβόντων: [5] πᾶσά τε ἰδέα κατέστη θανάτου, καὶ οἷον φιλεῖ ἐν τῷ τοιούτῳ γίγνεσθαι, οὐδὲν ὅτι οὐ ξυνέβη καὶ ἔτι περαιτέρω. καὶ γὰρ πατὴρ παῖδα ἀπέκτεινε καὶ ἀπὸ τῶν ἱερῶν ἀπεσπῶντο καὶ πρὸς αὐτοῖς ἐκτείνοντο, οἱ δέ τινες καὶ περιοικοδομηθέντες ἐν τοῦ Διονύσου τῷ ἱερῷ ἀπέθανον.

Thucydides. Historiae in two volumes. Oxford, Oxford University Press. 1942.
load focus Notes (E.C. Marchant, 1909)
load focus Notes (Charles F. Smith, 1894)
load focus English (1910)
load focus English (Benjamin Jowett, 1881)
load focus English (Thomas Hobbes, 1843)
hide References (45 total)
  • Commentary references to this page (20):
    • W. W. How, J. Wells, A Commentary on Herodotus, 7.24
    • Charles F. Smith, Commentary on Thucydides: Book 3, 3.112
    • Charles F. Smith, Commentary on Thucydides: Book 3, 3.15
    • Charles F. Smith, Commentary on Thucydides: Book 3, 3.17
    • Charles F. Smith, Commentary on Thucydides: Book 3, 3.39
    • Charles F. Smith, Commentary on Thucydides: Book 3, 3.43
    • Charles F. Smith, Commentary on Thucydides: Book 3, 3.53
    • Charles F. Smith, Commentary on Thucydides: Book 3, 3.70
    • Charles F. Smith, Commentary on Thucydides: Book 3, 3.74
    • Charles F. Smith, Commentary on Thucydides: Book 3, 3.80
    • Charles F. Smith, Commentary on Thucydides: Book 3, 3.83
    • Charles F. Smith, Commentary on Thucydides: Book 3, 3.85
    • Charles F. Smith, Commentary on Thucydides: Book 3, 3.87
    • Charles F. Smith, Commentary on Thucydides: Book 3, 3.94
    • Charles F. Smith, Commentary on Thucydides: Book 3, 3.98
    • T. G. Tucker, Commentary on Thucydides: Book 8, 8.64
    • C.E. Graves, Commentary on Thucydides: Book 4, CHAPTER VIII
    • C.E. Graves, Commentary on Thucydides: Book 5, 5.28
    • C.E. Graves, Commentary on Thucydides: Book 5, 5.39
    • C.E. Graves, Commentary on Thucydides: Book 5, 5.76
  • Cross-references to this page (8):
    • Herbert Weir Smyth, A Greek Grammar for Colleges, ADJECTIVES
    • Herbert Weir Smyth, A Greek Grammar for Colleges, THE CASES
    • Raphael Kühner, Bernhard Gerth, Ausführliche Grammatik der griechischen Sprache, KG 1.3.1
    • Raphael Kühner, Bernhard Gerth, Ausführliche Grammatik der griechischen Sprache, KG 1.3.2
    • Raphael Kühner, Bernhard Gerth, Ausführliche Grammatik der griechischen Sprache, KG 1.4.1
    • Dictionary of Greek and Roman Geography (1854), CORCY´RA
    • Dictionary of Greek and Roman Geography (1854), LEUCAS
    • Smith's Bio, Eury'medon
  • Cross-references in notes to this page (2):
    • Raphael Kühner, Bernhard Gerth, Ausführliche Grammatik der griechischen Sprache, KG 3.6.1
    • Thucydides, History of the Peloponnesian War, Thuc. 4.8
  • Cross-references in general dictionaries to this page (15):
load Vocabulary Tool
hide Display Preferences
Greek Display:
Arabic Display:
View by Default:
Browse Bar: